Gjërat po fillojnë të lëvizin pozitivisht dhe vera jep shpresa të mëdha për të hedhur hapat e parë drejt një rikthimi në normalitet sa i përket futbollit. Nga qershori stadiumet nuk do të jenë më të boshatisura, por do të marrin një tjetër pamje. Vera pritet ti japë frymën e vërtetë futbollit, teksa tribunat do të mbushen me një numër të reduktuar tifozësh.
Pas shumë qeverive që kanë dhënë dritën jeshile për të lejuar spektatorët në stadiume për Kampionatin Europian, e radhës që jep miratimin është Italia. Edhe Roma hap dyert për Euro 2020. Stadiumi Olimpik do të mbushet me të paktën 25% të kapacitetit të tij në 4 ndeshjet e planifikuara për tu luajtur në këtë impiant./Halit Delibashi-Sport Ekspres/