Teuta dhe Tirana kanë barazuar me shifrat 2-2 në javën e dytë të Superiores. Bardheblutë kaluan të parët në avantazh me anë të Hasanit në minutën e 3, por Fili barazoi 7 minuta më vonë nga penalltia.
Gjinollari përmbysi Tiranën pak minuta më vonë, ndërsa pjesa e parë u ndërpre për disa minuta nga mungesa e energjisë elektrike. Në pjesën e dytë Tirana barazoi me Najdovskin dhe doli me barazim, por Teuta konfirmohet edhe njëherë tjetër si “mace e zezë” për bardheblutë. Më poshtë gjeni intervistat e trajnerëve për MCN TV:
Longo: “Jemi këtu për të marrë pikët dhe për të zbavitur njerëzit dhe për të përcjellë kapacitetet më të mira që ne kemi si skuadër. Kam një grup djemsh që stërviten mirë. Stërviten me pasion të madh çdo ditë. Kam një pishman pasi nuk arrita të marr 3 pikët ditën e sotme, por duhet ti gëzohemi kësaj çfarë ndodhi.Nuk mund ti qëndrojë Tiranës mbrapa. Në të kundërt do të ishte një lojë e keqe. Është mënyrë e jona që të luajmë duke sulmuar. Vetëm në këtë mënyrë Tirana mund të gjindej në ato situata që u vendos sot. T’i qëndroja Tiranës në pritje do të ishte shumë e rrezikshme”