Lindon Selahi zhvilloi një ndeshje të përkryer në fundjavë. Rijeka triumfoi me shifrat e thella 6-0 kundër Istrës dhe në dy prej golave të shënuar protagonist ishte edhe mesfushori shqiptar. Ai shënoi golin e dytë të takimit, si dhe dha asistin në golin e pestë. Në fund Selahi u vlerësua me notën 8.8 nga “Sofascore”, me e larta e sfidës në fjalë.
Po sipas “Sofascore”-t, Lindon Selahi gjendet në formacionin e javës në kampionatin kroat. 22-vjeçari ka vlerësimin e dytë më të lartë në këtë 11-she. Vetëm Stojkoviçi ka mundur të karë një notë më të lartë se ai, atë 9.1./Halit Delibashi-Sport Ekspres/
