Lazio humbet mundësinë për të parakaluar në renditje Atalantan e cila bëri një hap fals ndaj Fiorentinës ditën e sotme. Djemtë e Sarrit nuk mund të shkonin më shumë se barazimi ndaj Udineses. Në minutën e 5-të, pas një pasimi perfekt në zonë, ish lojtari i Milanit Deulofeu përfiton duke shënuar përballë Strakoshës.
Në fundin e pjesës së parë Anderaon barazon shifrat për Lazion, duke i mbyllur 45 minutat e para në 1-1. Pjesa e dytë ishte mjaft e hapur me të dyja skuadrat që kërkonin fitoren, teksa rastet më të pastra i kishte Udinese. Të dy futbollistët shqiptarë që luajnë për Lazion. Strakosha dhe Hysaj u aktivizuan për 90 minuta duke dhënë një performancë të kënaqshme. /Elio Hajdari-Sport Ekspres/