Kaleb Ekuban ka arritur që më në fund të shënojë golin e tij të parë në Serie A. I ardhur në fillim të sezonit në radhët e Xhenoas, ish-sulmuesi i Partizanit ka arritur të dhurojë dy asiste si dhe të shënojë në Kupën e Italisë kundër Salernitanës.
Por në duelin e sotëm mes dy ekipeve që objektiv kanë mbijetesën, Ekuban e ka dërguar topin në rrjetë duke i dhënë barazimin skuadrës në minutën e 29. Lojtari 27-vjeçar kontrollon topin në afërsi të zonës kundërshtare dhe pasi shmang mbrojtësin godet bukur për në katërkëndëshin e Venecias./Sport Ekspres/