Nevil Dede i ka dhënë gjithë meritat Vllaznisë për kampionatin e zhvilluar në këtë sezon. Komplimentet kanë shkuar edhe për sponsorin Alban Xhaferi duke e vlerësuar për faktin se nuk del asnjëherë mbi trajnerin për vendimet e marra. Fjalë këto që godasin qartë historinë e vjetër për mënyrën sesi Dede u largua nga Tirana.
“Vllaznia ka shumë meritë që ka mbërritur deri këtu. Duhet të krenohet deri në momentin e finales së Kupës ndaj Skënderbeut. Më pëlqen shumë Xhaferi për shkakun se shprehet se nuk di më shumë se trajneri. Në momentin që presidenti pretendon se di më shumë se trajneri, atëherë është problem”, u shpreh Nevil Dede. /Sport Ekspres/