Inzagi duket se nuk e ka Kristjan Asllanin te të preferuarit e tij. Pavarësisht potencialit dhe besimit të madh që drejtuesit e klubit kanë te mesfushori shqiptar, trajneri i Interit nuk e ka aktivizuar në sezonin e shkuar.
Duket se edhe në këtë edicion nuk do të ketë shumë ndryshime. Në miqësoret e luajtura nga Interi deri tani, Asllani ka qenë gjithmonë në stol. Ashtu ndodh edhe në përballjen e sotme me Salzburg, atje ku zikaltërit e nisin me Asllanin nga pankina. Kjo tregon se lojtari shqiptar duhet të punojë ende për të fituar besimin e Inzagit. /Sport Ekspres/