Sot pasdite, para ndeshjes Delvina-Përmeti 2-1, e vlefshme për javën e 19-të të Kategorisë së Dytë, është zhvilluar ceremonia e përurimit të fushës së re të Klubit të Futbollit “Delvina”. Një tjetër investim ky i FSHF-së në fushat e futbollit, ku i pranishëm ishte edhe kreu i institucionit të futbollit Armand Duka. Ky investim pason mbështetjen që federata mundëson për klubet shqiptare, për të siguruar infrastrukturën e duhur sportive.
Në këtë mënyrë, Delvina do të ketë një fushë bashkëkohore të rinovuar tërësisht, por edhe me një hapësirë të re për zhvillimin social dhe ekonomik të qytetit. Ky investim i rëndësishëm do të jetë në dispozicion të ekipit të Delvinës si edhe ekipeve zinxhir, një kontribut për të zhvilluar me tej dhe kultivimin e pasionit për futbollin tek brezat e rinj.