Teuta ka njoftuar zyrtarisht dy largimet nga kampi i saj. Florent Avdyli dhe Rustem Hoxha kanë përfunduar bashkëpunimin. Padyshim që kujtimi më i bukur i tyre do të jetë fitimi i titullit kampion në Superiore.
Sa i përket Florent Avdylit nuk është arritur akordi për rinovim mes palëve, por duket se është gjetur aventura e re. Sipas asaj që raporton “Gazeta Blic”, mesfushori ka arritur marrëveshjen me Prishtinën për të mbërritur te ekipi ku ndodhen edhe emra të tjerë të njohur nga Superiorja si Vangjeli, Muça, Mici, Lilaj dhe Abazi. /Elio Hajdari-Sport Ekspres/