Gjithmonë e kemi parë në Shqipëri duke shënuar dhe festuar gola të shumtë. Ishte e papërmbajtshme, një yll i një tjetër nivel që i impresionoi të gjithë edhe kur Vllaznia shkoi në Champions League.
Tani kishte mbërritur koha që Megi Doci të nënshkruante një tjetër faqe të historisë. Për herë të parë nga futbolli i femrave, një lojtar largohet nga Shqipëria dhe firmos menjëherë me një ekip të madh. Pak minuta më parë është bërë e ditur se sulmuesja e Vllaznisë ka nënshkruar me Galatasarain.
“Në fillim dua të them se jam e lumtur që kam ardhur këtu. Është një krenari e madhe për mua që t’i bashkohem një ekip si Galatasarai. Kam luajtur më parë në Champions League, tani dua të bëhem kampione me Galatasarain dhe të shkoj në Champions League”, tha Doci. /Elio Hajdari-Sport Ekspres/
Galatasaray @petrolofisi’ne ho? geldin Megi Doci! ??? pic.twitter.com/5GOblYt2jM
— Galatasaray Petrol Ofisi Kad?n Futbol Tak?m? (@kadinfutbolGS) January 17, 2024