Mërgim Mavraj ka postuar një tjetër mesazh në rrjetet sociale sot, ku shpreh hidhërimin e tij për situatën e Ismail “Ballist” Morinës, duke kërkuar që shteti të tregohet më aktiv dhe të bëjë gjithçka për të ndihmuar heroin e Beogradit.
Në fakt, po punohet nga qeveria shqiptare që Kroacia të mos e ekstradojë Morinën drejt Serbisë, por ndoshta hidhërimi i Mavrajt buron edhe nga fakti se Morina kishte ditë të tëra në Kroaci, i ndaluar, ndërsa në Shqipëri askush nuk u kujtua.
“Të ishin ende gjallë këta te dy sot Ballist Morina do të ishte në shtëpinë dhe familjen e tij. Ku je o shtet, a nuk është biri ynë ky?”, shkruan Mavraj, duke postuar një montazh me fotot e Ismail Qemalit dhe Isa Boletinit.