Theo Hernandez u transferua tek Milani në vitin 2019, teksa kishte bërë një sezon të mirë tek Real Sociedad, në kohën kur ishte në huazim. Aventura e francezit tek Milani ka qenë më e mira në karrierën e tij, ku ka fituar pozicionin e titullarit absolut. Hernandez ishte protagonisti kryesor i kualifikimit të Milanit në Champions League, duke fituar kështu zemrën e shumë tifozëve.
Megjithatë, aventura e Hernandez tek Milanit mund të mbarojë këtë verë, pasi sipas gazetës prestigjoze franceze “Footmercato” është arritur në parim një marrëveshje mes PSG-së dhe lojtarit. Nënkampionët e Francës nuk kanë mbrojtës të mirë në krahun e majtë dhe 23 vjeçari është një zgjidhje perfekte. /Sport Ekspres/