Granit Xhaka solli një kaos të madh për tifozët e Zvicrës sa i përket Botërorit. Kur jemi vetëm pak ditë larg nga nisja e tij, mesfushori shqiptar la fushën e blertë para kohe kundër Ëolverhampton. Problemet nisën që në minutën e parë të takimit, atje ku mesfushori shqiptar nuk u ndie mirë. Në të 17 nuk mund të vazhdonte më tepër, duke zgjedhur të largohej nga fusha.
Shumë u shqetësuan për këtë dëmtim, teksa lojtari është transformuar nga Arteta te Arsenali. Megjithatë nuk ka vend për dyshime, Xhaka do të jetë pjesë e Botërorit. Te topçinjtë ka pasur një problem me ushqimin dhe për shkak të shqetësimeve të ndiera me stomakun, Graniti u largua ndaj Ëolverhampton para kohe. Simptoma të njëjta shfaqën edhe disa lojtarë të tjerë të Arsenalit, por Xhaka i përjetoi më keq. /Sport Ekspres/