Diego Godin do të veshë fanellën e Interit në fund të këtij sezoni, me uruguajanin që do të kalojë në “San Siro” me parametra zero. Lidhur me këtë fakt, Atletiko Madrid ka nisur kërkimet dhe me sa duket e ka gjetur zëvendësuesin e mbrojtësit.
Sipas raportimeve nga mediat spanjolle, drejtuesit madrilenë janë shumë pranë nënshkrimit me mbrojtësin Felipe. Braziliani luan te Porto që prej verës së vitit 2016, kur u ble nga Korinthias.
29-vjeçari ka spikatur në “Dragao” dhe duket gati për kapërcimin në një klub të madh si Atletiko Madrid. Kartoni i tij vlen gati 20 milionë euro, me “Los Colchoneros”, të cilët duket se e kanë bërë gati çekun.