Gjendja e tapetit në stadiumin në Laçin nuk ka qenë e mirë, ndërkohë që tashmë që nuk do të ketë ndeshje është vendosur që të mbillet bari për t’u përmirësuar gjendja e fushës. Kjo ka ndodhur që dje dhe rrezikohet që ndeshja e javës së gjashtë, ajo mes Laçit dhe Flamurtarit të luhet në fushë asnjanëse.
Tifozët më “pikatore”, Gocajt i prishin festën
Në ndeshjen e djeshme mes Laçit dhe Vllaznisë numri i tifozëve ishte vogël, kjo e ndikuar edhe nga dy humbjet me Luftëtarin dhe Kukësin. Rreth 700 tifozë ishin të pranishëm në stadium, të cilët iu gëzuan fitores me Vllazninë. Në tribunë ish-kapiteni Erjon Vucaj mori duartrokitje, ndërsa Olsi Gocajt iu “prish” festa e 28-vjetorit me humbjen e pësuar.