Skënderbeu është grumbulluar për ndeshjet e radhës, fillimisht ndaj Veleçikut në Kupë të mërkurën, kurse të hënën përballen me Flamurtarin në kampionat. Trajneri Shehi e ka grupin e lojtarëve thuajse të plotë.
Sulmuesi vlonjat Ardit Hoxhaj është rikuperuar plotësisht dhe do të jetë në dispozicion të stafit teknik. Trajneri Shehi mund ta llogarisë që tani, por sigurisht që konkurrenca është e madhe dhe sulmuesi duhet të bindë stafin.
I vetmi lojtar me probleme është sulmuesi anësor Zenel Gavazaj. Lojtari i Shqipërisë U19 ka pësuar një frakturë në një nga gishtat e dorës dhe do t’i duhet të qëndrojë katër javë jashtë fushave të blerta.