Liga Profesioniste ka dalë me një reagim të fundit sa i përket situatës që ndodhet futbolli në Shqipëri, teksa nuk ka mbërritur ende një vendim nga Qeveria. Teksa ditët kalojnë dhe vështirësia rritet, pasi edhe nëse nis kampionati do të ketë ndeshje të ngjeshura, po vazhdohet edhe me procedimin e masave të reja.
Këtë herë thuhet se është projektuar edhe protesta masive e futbollistëve që do të zhvillohet në datën 10 tetor, për të pasur një sensibilizim të opinionit publik. Nga ana tjetër po intensifikohen kontaktet me Fidel Yllin që është negociatori i Qeverisë që çështja të zgjidhet dhe të mos përfundojë deri në pikën e protestave masive. /Sport Ekspres/