Vendet që nuk e njohin Republikën e Kosovës vazhdojnë me “shakatë pa kripë”. Vetëm pak kohë më parë televizioni zyrtar spanjoll e vendosi emrin e Kosovës me gërma të vogla, duke bërë mjaft bujë në rrjetet sociale. Një ngjarje e papreçedent ka ndodhur në ndeshjen e basketbollit mes Greqisë dhe Kosovoës.
Televizioni kombëtar grek shfaq në flamurin e Kosovës, hartën e Australisë. Nuk dihet nëse ky ishte një “gabim” apo një provokim i mediave greke ndaj Republikës së Kosovës. Një varg komentesh negative kanë shkuar drejt televizionit, ku shumë prej tyre kërkonin një reagim zyrtar nga autoritetet e Greqisë. /Elio Hajdari-Sport Ekspres/