Partizani po zhvillon fazën përgatitore në Antalia të Turqisë, aty ku kryesuesit e kampionatit synojnë të ruajnë formën e mirë të dy fazave të para dhe të rikthehen në gjendjen e duhur fizike që të ruajnë të njëjtin ritëm.
Djemtë e drejtuar nga Skënder Gega do të luajnë edhe disa miqësore gjatë kohës së qëndrimit në Antalia. Me datë 9 janar, Partizani do të luajë kundër vendasve të Sivaspor miqësoren e parë.
Pak momente më parë, klubi ka konfirmuar edhe miqësoren e dytë, që do të luhet me datë 14 janar përballë gjigantit kroat, Dinamo Zagreb. Ky do të jetë një test shumë i mirë për “Demat”, si dhe një mundësi e mirë për lojtarët e talentuar të Partizanit që të sigurojnë një transferim jashtë.
