Peter Olajinka u transferua në Çeki në verë dhe është pranë titullit kampion me fanellën e Slavia Pragës. Sulmuesi 23-vjeçar një ditë më parë iu gëzua fitores në derbi me Spartën e Pragës, madje me rezultatin e thellë 3-0. Nigeriani ishte titullar në këtë ndeshje, por nuk mundi të shënonte dot gol.
Gjithsesi ai ka gjetur diçka për të veçuar nga përballja dhe është një foto gjatë një dyluftimi. Një lëvizje që do ta kishin zili edhe ata që merren me sportin e karatesë. Olajinka e ka postuar foton në “Instagram” dhe tregon qartazi kuptimin e derbit.
