Në mediat sportive është shkruar në këto orë të fundit edhe për “zhdukjen” e sulmuesit Tim Varynen. Ky i fundit erdhi me bujë duke parë CV e pasur, por nuk po arrin ende që të bëjë diferencën tek bardheblutë. Në media supozohej edhe për largimin e mundshëm të këtij futbollistit që nuk ishte paraqitur as në stërvitje, por Tirana ka hedhur gjithë dyshime poshtë.
Kampionët e Superiores kanë postuar disa fotografi në rrjetet sociale duke treguar edhe prezencën e Tim Varynen. Në kampin e bardhebluve kishte edhe një tjetër arsye për të festuar pasi syri i pagabueshëm, Izmir Doda, kishte datëlindjen. /Sport Ekspres/
