Partizani ka bërë shumë largime në këtë merkato të verës, ndërsa futbollisti i radhës që largohet nga të kuqtë është Bitri. Ky i fundit e rriti së tepërmi nivelin e tij në sezonin e fundit duke qenë pikë fikse e të kuqëve. Megjithatë lojtari i ka shtrënguar dorën drejtuesëve duke zgjedhur që të largohet.
Gjithçka e njofton Bitri në faqen zyrtare ku mes falënderimesh për të gjithë personat që e kanë mbështetur, nuk harron të përshëndesi edhe “Ultras Guerrils” për t’i quajtur tifozët më të zjarrtë në Shqipëri. Shumë ndryshime te ky Partizan që në sezonin tjetër do të ketë një fytyrë të re dhe të panjohur në Superiore. /Sport Ekspres/
