Kosova do të luajë në orën 18:00, një sfidë mjaft të rëndësishme për fatet e saj në Ligën e Kombeve. “Dardanët” kanë një transfertë ndaj Maltës, ku një fitore e tyre, e kombinuar me një hap fals të Azerbajxhanit në shtëpi ndaj Ishujve Faroe, do t’i jepte Kosovës zyrtarisht ngjitjen në Ligën C.
Vetëm pak momente më parë janë zbuluar formacionet e të dy kombëtareve, ku Kosova është rreshtuar me formacionin e zakonshëm 4-2-3-1. Në portë është zgjedhur kapiteni Ujkani, ndërsa në mesfushë, rikthehet të luajë Arbër Zeneli nga minuta e parë, së bashku me Milot Rashicën.