Santosi befasoi jo pak me vendimin e tij për të lënë në stol Kristiano Ronaldon. Pakënaqësia e këtij të fundit për zëvendësim të parakohshëm në ndeshjen kundër Koresë nuk i ka pëlqyer trajnerit, i cili e shfaqi diçka të tillë hapur. Pas fitores 6-1 kundër Zvicrës, Santos ka sqaruar raportin e tij me Ronaldon, duke qetësuar opinionin sportiv dhe duke treguar se ylli portugez e pranoi pa asnjë problem vendimin për t’u ulur në stol.
“Nuk ka asnjë problem me kapitenin tonë. Ne jemi miq prej vitesh. Ne folëm para ndeshjes dhe ai nuk kishte asnjë problem me vendimin tim. Ai është një shembull“, ka deklaruar Santosi./Halit Delibashi-Sport Ekspres/