Flamurtari vijon përgatitjet në Vlorë, ndërkohë që për sot kishte programuar një takim kundër ekipit të të rinjve. Kuqezinjtë ia kanë dalë të fitojnë me rezultatin e thellë 8-0, gjë e pritshme kur dihen diferencat e mëdha mes ekipeve.
Emiljano Musta dhe Idriz Batha shënuan nga dy herë, ndërkohë që rrugën e rrjetës e gjetën edhe Ribaj, Useini, Mustafa dhe Haruni. Por trajnerin Daja e shqetësojnë lojtarët me probleme, të cilët nuk janë pak në fakt.
Lojtarë si Franc Veliu, Tomislav bushiç, Elton Kale dhe Albi Alla u stërvitën të diferencuar. Të njëjtën gjë bënë edhe të rinjtë Maze e Beqaj. Lajm i mirë është rikuperimi i plotë i Fjoralb Deliajt, i cili ishte titullar në takimin e sotëm.
Flamurtari 8- 0 Flamurtari U19
Shënues : Musta (2X), Ribaj, Batha (2X) Useini, Mustafa, Haruni
Flamurtari: Koliçi, Siljanovski, Deliaj, Polozhani (C), Kotobelli, Mustafa, Useini, Batha, Torassa, Ribaj, Musta. (U aktivizuan: Qirko, M. Qarri, J. Qarri, Ymeraj, Liçaj, Muçollari, Diamanti, Haruni, Ziaj).