Është publikuar sot renditja e FIFA-s për kombëtaret, për muajin qershor. Triumfi në Izrael na ka rikthyer në jetë, sepse pas disa muajsh të zinj, me humbje dhe zbritje konstante në renditje, tashmë fitojmë 3 vende dhe ngjitemi në vendin e 63-të.
Duket një pozicion i keq, krahasuar me pak kohë më parë, por vetëm një vend mbi ne është Rusia, ndaj është e qartë që nuk jemi aq keq.
Përveç kësaj, dihet që renditja e FIFA-s ka kritere mjaft të çuditshme dhe mjafton të shihet që këtë muaj Haiti ka ngjitur 15 vende dhe tashmë është në vendin e 49-të.
Në pikiatë Izraeli, që ka humbur 15 vende pas disfatës ndaj nesh, duke zbritur në vendin e 70-të në botë.
Ndërkaq, Kosova vazhdon rënien, sepse tashmë është në vendin e 177-të në botë, 4 vende më poshtë se një muaj më parë.
