FIFA vit pas viti bën ndryshime në rregulloren e saj. Edhe për edicionin e ri pritet që të ketë modifikime në rregulloren e transferimeve, por së fundmi është propozuar që të kufizohet numri i lojtarëve që një skuadër mund të huazojë.
Duke nisur që nga edicioni i ri, pritet që një klub të mos ketë mundësinë për të huazuar më shumë se tetë lojtarë. Diçka jo shumë pozitive për skuadrat e mëdha, si Çelsi, Mançester Siti apo dhe Juventus, që lojtar të cilët i konsiderojnë me të ardhme i kalojnë në skuadrat e tjera.
Në Itali mund ta kenë gjetur zgjidhjen, pasi tani skuadrat kanë mundësinë për të regjistruar dhe skuadra B, por ekipet angleze duket se do të vuajnë më së shumti. Në mbledhjen e radhës do të diskutohet në lidhje me këtë temë dhe me shumë gjasa do të pranohet ky propozim.