Haris Fakiç buzëqesh, me të drejtë, pasi Skënderbeu nuk është më një ekip dosido në Europë dhe nëse në pak vite shkruan historinë e futbollit shqiptar, atëherë diçka e madhe është bërë.
Pas triumfit ndaj Mladas, drejtori sportiv i Skënderbeut deklaroi për Supersport: “Vuajtëm pas disavantazhit, por treguam se jemi një skuadër me karakter dhe kjo na jep shumë shpresë. Nuk kishim shumë besim kur pësuam golin, por në futboll nuk ka asgjë të pamundur. Pas golit të parë skuadra ndryshoi tërësisht dhe nisa të besoj. Kemi tifozë të mrekullueshëm dhe ia dolëm.
Merkatoja nuk solli emër të madh para Mladas, por Fakiç kërkon durim: “Kemi bërë lëvizje shumë të mira, Ali Soue është shumë i fortë”.