Nëse Thomas Strakosha është tërësisht jashtë formës te Lacio, nga krahu tjetër po ofron siguri Etrit Berisha. Gardiani i vjetër i Kombëtares është kthyer te SPAL për t’i dhënë sukses të madh ekipit të Serisë B.
Këta të fundit arritën që të kualifikohen në turin tjetër të Kupës së Italisë pasi mundën në shifrat 0-2 skuadrën e Serisë A, Sasuolon.
Berisha ishte në super formë duke shpëtuar SPAL-in në shumë raste nga pësimi i golit. Ndërkohë pas këtij kualifikimi është i njohur edhe kundërshtari në turin tjetër. Bëhet fjalë për kampionin e Italisë, Juventusin, ndërsa fituesi i këtij çifti do të përballet me triumfuesin e derbit Milan-Inter. /Sport Ekspres/