Samuel Eto ndodhet në një situatë të komplikuar dhe serioze. 37-vjeçari vazhdon karrierën e tij në Katar me ekipin e Katar SC, ndërsa në Madrid është hapur një çështje atësie kundër sulmuesit kamerunas.
Siç citon “AS”, një vajzë pretendon se është e bija e futbollistit. Ajo është 18 vjeç dhe avokati i agjencisë Efe, Fernando Osuna, ka dorëzuar kërkesën për vajzën dhe ka specifikuar se vajza ka ardhur në jetë nga raporti i Eto me një femër, gjatë periudhës kur afrikani luante me Realin e Madridit.
E reja ka lindur jashtë Spanjës, në një vend që nuk specifikohet, ndërsa ajo zotëron prova biologjike që mbështesin dëshminë e saj, gjë që bëri dhe gjyqtarin të pranojë kërkesën e bërë. Tashmë pritet reagimi i lojtarit, i cili do të thirret të dëshmojë në Gjykatën e Madridit.