Empoli ka humbur me shifrat 2-1 transfertën në Verona. Nga minuta e 57 në fushën e lojës është aktivizuar edhe Nedim Bajrami, i cili i ka dhënë tjetër impuls lojës së skuadrës së tij, por pa mundur të ndryshojë fatin e takimit. Megjithëse futet në fushë nga stoli, fantazisti shqiptar vlerësohet si lojtari i dytë me notën më të lartë në radhët e Empolit.
“Tuttomercatoweb” e vlerëson Bajramin me notën 6.5, ndërsa shkruan: “Është lëvizja që turbullon siguritë e Hellas Veronës, jep alarmin dhe vë dorë në çdo aksion sulmues. Prek edhe golin dy herë”./Sport Ekspres/