Jemi në muajin gusht dhe merkatos së verës po i vjen fundit, kjo për faktin se datat e fundit të merkatos është ndryshme. Në Angli merkato mbyllet më 9 gusht ndërsa më 18 gusht dritarja e transferimeve mbyllet dhe në Itali. Të gjithë skuadrat nxitojnë për të bërë goditjet e fundit, por shumë enigma lidhen me skuadrën e Real Madrit.
Ikja e Kristiano Ronaldos nga Spanja i ka turbulluar ujërat dhe tani ende nuk dihet se kush do të jetë pasuesi i portugezit. Edhe pse lakohen shumë emra, ende nuk ka diçka konkrete.
Kjo i mban pezulluar dhe disa nga skuadrat e tjera, të cila presin se mos ndonjë lojtari i tyre do të marrë rrugë për Madrid dhe do u duhet të ndërhyjnë në merkato. Një situatë jo shumë e zakontë, pasi pjesa më e madhe e skuadrave e mbyllin merkaton që në korrik dhe në ditët e fundit pritet vetëm ndonjë lojtar plotësues, gjithnjë duke bërë ndonjë përjashtim për ndonjë lojtar “big”.