Izair Emini e ka nisur shkëlqyeshëm aventurën e re te Shkëndija, ku vetëm para pak ditësh mori lejen nga FIFA, në pritje të ndonjë zhvillimi të ri në gjyqin me Kukësin, që e fitoi përkohësisht.
Sulmuesi e nisi titullar sot, në barazim 3-3 që Shkëndija regjistroi në fushën e vet ndaj Pobedës.
Miqtë shënuan të parën, por Emini barazoi në minutën e 31-të dhe Ibraimi shënoi golin e dytë me 11-metërsh në fundin e pjesës së parë. Në pjesën e dytë erdhi çudia, me miqtë që përmbysën gjithçka, para se Abdurahimi të evitonte humbjen e Shkëndijës në fundin e ndeshjes.
Barazimi mban në krye me 10 pikë Shkëndijën, por tashmë është afruar Vardari.