“Edhe kur luan futboll-tenis mbërrin i pari te topi”, Roma hidhet në kërkim të talentit të ri që debutoi me Shqipërinë

0

Një tjetër ekip është hedhur në garë për Kristjan Asllanin, kjo merkato duket se do të jetë e nxehtë për legjionarët shqiptarë. Sipas asaj që tregon eksperti i tregut të transferimeve në Itali, Nicolo Shira, kryeqytetasit mund ta transferojnë mesfushorin shqiptar në verë.

Talenti premtues ka rrëmbyer të gjithë vëmendjen në Serinë A me thjeshtësinë në të cilën luan dhe njëkohësisht moshën e tij të vogël, që nuk e pengon për të qenë veteran në fushë. Kështu Murinjo i bashkohet listës së gjatë të ekipeve që janë rreshtuar për Asllanin, por duhet pritur vendimi i lojtarit.

Ndërkohë trajneri i Empolit, Andreazoli, ka vlerësimet më të mira për të: “Asllani ka stigmatizimin e kampionit, ka cilësi dhe vizion, jam i sigurt për këtë që them. Një lojtar me kokën ulur dhe shumë interesant. Nuk mund të jetë rastësi që e shfrytëzon gjithmonë shansin që ka. Edhe kur luan futboll-tenis, është i pari që arrin te topi”, ka thënë Andreazoli. /Sport Ekspres/

You might also like
Leave A Reply

Your email address will not be published.