Shqipëria do të zhvillojë një takim miqësor me Katarin në datën 9 nëntor. Ashtu sikurse ndaj Arabisë Saudite, Edi Reja do t’i japi hapësirë lojtarëve të “Abissnet Superiore”-s për të qenë pjesë e Kombëtares. “TV Klan” zbuln se në listën e zgjedhur nga trajneri italian këtë herë janë 3 ndryshime të konfirmuara.
Sokol Cikalleshi do të lihet pushim nga Reja, në mënyrë që të jetë në formën e duhur për përballjet me Italinë dhe Armeninë, ndërsa Muçolli dhe Kastrati nuk do të mund të bashkohen me grupin, pasi nuk marrin leje nga klubet përkatëse. Ndërkohë “TV Klan” njofton se edhe Katari, njësoj si Arabia Saudite, lë në hapësirë mediatike Shqipërinë, pasi edhe këtë herë miqësorja nuk do të transmetohet në asnjë television./Halit Delibashi-Sport Ekpsres/