Rreth një vit e gjysmë ka kaluar që nga koha kur Zidan u largua nga Reali i Madridit. Megjithëse një kohë e gjatë, trajneri francez vendosi të qendronte pa ekip, edhe pse ofertat për të nuk munguan. Plani ishte i qartë: prit sa të jetë e mundur për të marrë drejtimin e Francës. Kombëtarja trikolore ishte objektivi i ish-trajnerit të Realit të Madridit dhe tashmë ëndrra e tij është bërë realitet.
“Libertad Digital“ bën me dije se Zidan ka mbyllur marrëveshjene tij me Federatën Franceze të Futbollit. Trajneri i njohur do të drejtojë “gjelat” që nga muaji janar, pavarësisht se çfarë rezultati do të arrijë Deshpamp në Kupën e Botës Katar 2022. Kontrata e tij nuk do të rinovohet në dhjetor./Halit Delibashi-Sport Ekspres/