Eden Hazard është një nga lojtarët që këtë sezon po spikat më së shumti. Belgu po shkëlqen në kampionatin, teksa ka shënuar 7 gola në 9 ndeshje. Çelsi kërkon që të rinovojë marrëveshjen me sulmuesin, por nuk do të jetë aspak e lehtë, kjo pasi për të interesim konkret ka Reali i Madridit.
Legjenda e Portugalisë, Luis Figo ka komentuar për mundësinë e transferimit të Hazard në Madrid. Ish-lojtari i Realit ka theksuar se sulmuesi dëshirën që të shkojë tek “galaktikët”: “Hazard është një nga lojtarët më të mirë në botë. Kam përshtypjen se ai dëshiron që të luajë me Realin e Madridit”.
Nuk mund të thuhet me siguri nëse Figo di diçka më shumë, apo është vetëm një mendim i tij, por e sigurt është se në Madrid e duan me çdo kusht belgun. Largimi i Ronaldos ka krijuar një boshllëk të madh në sulm dhe vetëm sulmuesi i “bluve” të Londrës shihet si pasuesi ideal i CR7-ës.