Milani gjendet në grupin e “ferrit“ në Champions League, teksa do të kërkojë kualifikimin ndaj PSG-së, Borusias së Dortmundit dhe Njukastëllit. Në konferencën për shtyp pas sfidës me Romën, Pioli ka zbuluar reagimin e skuadrës kur ka mësuar kundërshtarët që do të ketë në kompeticionin më të rëndësishëm për klube. Sipas tij, lojtarët nuk shfaqën asnjë shenjë frike, përkundrazi, ishin edhe më të motivuar.
“E zbuluam në avion. Unë i komunikova menjëherë rezultatin lojtarëve dhe më pëlqeu reagimi i tyre. Nuk pashë asnjë frikë apo ankth. Por pashë stimuj dhe ngazëllim. Ne jemi Milani dhe duam të luftojmë”, ka deklaruar ndër të tjera Stefano Pioli./Halit Delibashi-Sport Ekspres/