Dy humbje radhazi për Tiranën e kanë prishur disi organizimin për festimin e titullit kampion. Bardheblutë kanë marrë dy humbje radhazi, si nuk kishte ndodhur kurrë në të gjithë këtë kampionat nën drejtimin e Shehit.
Ndërkohë tifogrupi besnik i klubit, “Tirona Fanatics”, njoftojnë se janë gati për ta kthyer në festë ambientin në Selman Stërmasi gjatë ndeshjes kundër Teutës. Mbetet të shihet nëse kjo do të jetë e treta dhe e vërteta apo nëse bardheblutë do të gabojnë edhe përballë durrsakëve. /Elio Hajdari-Sport Ekspres/