E ardhmja e Marash Kumbullës me shumë mundësi do të jetë larg Romës. Marrëdhënia me Murinjon nuk ka qenë ajo që pritej për mbrojtësin shqiptar. Pavarësisht se në tre ndeshjet e fundit ka qenë titullar në fushë, duket se Roma po shqyrton mundësinë e largimit të tij në merkaton e ardhshme.
Në Itali nxjerrin hipotezën e shkëmbimit të tij me Izzo-n. Juriç është në kërkim të një mbrojtësi dhe kush më mirë se një talent i dalë prej punës së tij mund të ishte më i përshtatshmi. Ishte pikërisht trajneri kroat ai që e ngjiti Kumbullën në majën e futbollit italian dhe për këtë arsye do të tentohet një afrim i tij në Torino në muajin janar./Halit Delibashi-Sport Ekspres/