Superiorja do të hapi siparin e javës së 7 në mbrëmjen e sotme. Dinamo do të përballet ndaj Kukësit dhe ndeshja do të nisi në orën 19:45. Kjo ndeshje ngjason më tepër me përcaktimin “e bukura dhe bisha”. Nga një anë verilindorët po praktikojnë futbollin më të bukur në Superiore, ndërsa në tjetrin janë kryeqytetasit që kanë bërë merkaton më të mirë në janar.
Ky është momenti i së vërtetës për të dy ekipet që janë pretendent për titullin kampion. Fitorja e fundit ndaj Skënderbeut e ka rikthyer Dinamon në rrugën e duhur, ndërsa te Kukësi ka vetëm vend për optimism. /Sport Ekspres/