Michael Ngoo është rikthyer sërish për të veshur fanellën e bardhebluve. Sulmuesi i njohur për tifozët e Tiranës ka zgjedhur që të kthehet në Superiore, por pa ndërruar ngjyrat që ka përfaqësuar më herët. Shtatlarti ishte titullar i padiskutueshëm gjatë sezonit 2019-2020 ku u kulmua me titullin kampion.
Megjithatë lojtari vendosi që të kapte “trenin e fundit” për të provuar eksperiencën e re jashtë Shqipëri. Karriera nuk do të vazhdonte aspak në ecurinë pozitive dhe për këtë arsye është rikthyer te Tirana ku do t’i bashkohet skuadrës në Pogradec për fazën përgatitore. /Sport Ekspres/