Klodian Duro do të shkarkohej nga pozita si trajneri i Feronikelit për shkakun e mungesës së rezultateve pozitive. Në ato kohë ka pasur edhe shumë incidente aq sa shefi i sigurimit të klubit ndërhyri në transmetimin direkt për t’i thënë trajnerit shqiptar: “Jep dorëheqjen sot, nuk ke se çfarë kërkon këtu”.
Së fundmi Klodian Duro ka publikuar shumë prej mesazheve private që ka bërë me futbollistët. Në këtë mënyrë tregohen marrëdhëniet e mira që kishte me ta duke hedhur poshtë të gjitha dyshimet për përplasje dhe zënka brenda klubit. Më poshtë mund të ndiqni edhe disa nga bisedat e marra nga “Insporti”. /Sport Ekspres/
