E ardhmja e mbrojtësit shqiptar, Arlind Ajeti, është e lidhur me ekipin e Legias së Varshavës. Nuk ka diçka konkrete, pasi për të mbërritur deri te polakët duhet të zgjidhet një ekuacion me shumë ndryshore.
Fillimisht duhet të largohet mbrojtësi aktual i polakëve, Mikel Pazdan, ky i fundit kërkohet nga Kaljeri në Seria A. 30-vjeçari dëshiron të largohet, por ende nuk ka diçka konkrete.
Në rast se futbollisti aktual i Legias mund të largohet, atëherë në listën e zëvendësuesve është shqiptari Arlind Ajeti së bashku me Milosh Kosanoviçin. Lojtari i kombëtares shqiptare duhet të fitojë dhe konkurrencën me serbin, me pak fjalë, shumë e vështirë dhe shqiptari mund të digjet.