Dy aktivizime në nëntë vite, mbrojtësi rekordmen largohet nga Çelsi

0

Çelsi ka qenë ndër klubet me numrin më të lartë të lojtarëve në huazim. Strategjia e bluve të Londrës për shumë vite konsistonte në investimin në talente anembanë e botës dhe huazimin e tyre në klube partnere.

Njëri prej shembujve më të njohur të kësaj strategjie është çeku Tomas Kalas, i cili ditën e sotme u largua pas plot nëntë vitesh te Çelsi. Në thuajse një dekadë, qendërmbrojtësi çek u aktivizua vetëm dy herë nga blutë e Londrës.

Kalas u ble nëntë vite më parë nga Sigma Olomouc për 6 milionë paundë. Asokohe ishte 17 vjeç dhe qëndroi në huazim edhe për një sezon në vendlindje. Më pas Çelsi vendosi ta çonte në Holandë te Vitese kur luajti për 2 sezone.

Sezoni 2013/14 ishte i vetmi ku çeku ishte pjesë  e Çelsit. Në dy aktivizimet e vetme të karrierës së tij në Premier League, Kalas pati shansin të luante për 90 minuta në një ndeshje shumë të dhimbshme për tifozët e Liverpulit. Fitoren 2 – 0 të Çelsit në “Anfield”, rezultat që praktikisht i dha hoqi titullin Liverpulit dhe ia dha Sitit.

Pas atij sezoni çeku u huazua fillimisht te Këln dhe më pas Midëllsbrou, Fulhem dhe së fundmi Bristol Siti, ishin pikërisht këta të fundit që arritën ta ndanin më në fund mbrojtësin nga Çelsi.

You might also like

Leave A Reply

Your email address will not be published.