Futbolli europian ka nisur pushimet dhe natyrisht material për mediat janë udhëtimet dhe fotot e lojtarëve të rëndësishëm, përveç merkatos, që është prioritet absolut.
Gjermania Bild Sport ka postuar një foto të Julian Drakslerit në Ibiza, duke u puthur me një femër në një jaht.
Bid Sport shkruan se Draksler bën kapitenin në jaht, me të fejuarën historike Lena Shtifel.
Një problem i vogël: Fussball Bild i përgjigjet Bild Sportit në Twitter “Ajo nuk është e dashura e njohur e Drakslerit. Kush po e puth Drakslerin?”.
Bëhet fjalë për Linda Faterl, një bukuroshe 24-vjeçare, e bërë e famshme para dy vitesh në një emision për zbulimin e modeleve.
Me sa duket, pasi tradhtoi Shslken për Volfsburgun dhe këtë të fundit për PSG-në, Draksler është bërë specialist tradhtish.
