Pascal Chimbonda ka folur për “Sky Sports”, ku ka dhënë mendimin e tij sa i përket çështjes së gritur së fundmi te Franca rreth Benzemasë. Ish-futbollisti i “gjelave”, është i mendimit se hyrja e Benzemasë në fushë gjatë finales do të ishte një mungesë për Giroud-në, për gjithë punën që ai ka bërë në këtë Kupë Bote me trikolorët.
“Karim Benzema ka luajtur vetëm një ndeshje. Mendoj se grupi është përshatur në mënyrë perfekte që para Kupës së Botës. Nëse ai vjen në Katar dhe luan atë ndeshje, atëherë do të ishte shumë mungesë respekti për Giroud-në, i cili ka bërë gjithçka deri tani dhe ka luajtur shumë mirë. Nëse Benzema vjen në Katar, do të vijë për të parë ndeshjen, por nuk mendoj se do të jetë pjesë e ekipit”, ka deklaruar Pascal Chimbonda./Halit Delibashi-Sport Ekspres/