Visaj Bekaj u zyrtarizua dje si pjesë e klubit Hatayspor. Mjaftoi vetëm një ditë që nga momenti i zyrtarizimit që portieri shqiptar të bënte debutimin me skuadrën e tij të re. Gardiani nga Kosova veshi dorezat sot në miqësoren kundër Hull City-t.
Bekaj mbrojti katërkëndëshin përballë ekipit anglez në 45 minutat e dyta të takimit. Ndeshja në fjalë përfundoi në baraspeshë 1-1. Një nisje e mbarë për ish-portierin e Tiranës, që dëshiron të zërë vendin e titullarit në portën e Hatayapor-it në sezonin e ri./Halit Delibashi-Sport Ekspres/