Klubi i Milanit lajmëroi mbrëmjen e djeshme rinovimin e shumëpritur me Ibrahimoviç. Edhe sezonin e ardhshëm mosha e tij do të jetë 40 vjeç, kjo nuk e ndal suedezin të jetë ende në nivele të larta të futbollit. Në një intervistë të dhënë së fundmi, sulmuesi i kuqezinjve shprehet se do të qëndronte te Milani për gjithë jetën e tij nëse do i jepej mundësia. Sa i përket tifozëve, thotë se i ka vëtetuar që vitet mbi supet e tij janë thjesht një shifër që nuk ndikon në paraqitjen gjatë ndeshjeve.
“Ndihem shumë i lumtur, vazhdoj edhe një vit dhe kjo është ajo që vlen. Milani është si shtëpia ime, ndihem shumë mire. Ata që punojnë për klubin, shokët e mi të skuadrës, trajnerin dhe tifozët, të cilët më mungojnë shumë, më bëjnë të ndihem shumë mirë. Nëse mund të qëndroj gjithë jetën time, do ta bëj.
Reagimi i tifozëve? Unë mendoj se është pozitive, ata do të jenë të lumtur. Dikush kishte dyshime për moshën time, por unë e vërtetova këtë vit që mosha nuk ka rëndësi. Është çështje mendjeje, mendësie. Mentaliteti më çon të përmirësohem dhe të bëj gjithmonë më të mirën që mundem.
Në fushë duhet të ndiheni mirë fizikisht, për pjesën tjetër, ose e keni ose nuk e bëni. Unë pastaj përshtas lojën time ekipit për t’i ndihmuar ata sa më shumë që të jetë e mundur. ditën e parë kam pasur një ndjenjë të lartë me tifozët, pa ta nuk është e lehtë për të luajtur. Të kesh 80,000 njerëz në stadium nuk është e njëjta gjë. Tifozët nuk më kanë harruar kurrë. Mundohem të kthej sa më shumë që të jetë e mundur”, ka thënë Zllatan Ibrahimoviç./Halit Delibashi-Sport Ekspres/