Milani është e qartë se nuk ka financat e duhura për të bërë një merkato të shëndoshë këtë verë. Strategjia e Gazidis do të përqëndrohet në blerjen e talenteve të rinj apo lojtarëve, që nuk kanë gjetur “habitatin” e duhur për të shpërthyer.
Patrik Shik është dhurata e parë që drejtuesit duan t’i bëjnë trajnerit Xhampaoli. 23-vjeçari njihet me teknikut në kohën kur të dy ishin pjesë e Sampdorias. Atje Shik tregoi një formë mjaft të mirë, duke tërhequr interesin e Romës dhe Juventusit.
Verdhekuqtë nuk dëshirojnë ta shesin çekun dhe i mbajnë një çmim të kripur. Në “San Siro” kanë filluar negociatat e para për uljen e kësaj shifre. Një opsion bindës është përfshirja e Patrik Kutrones në këtë operacion. Ky i fundit me cilësitë e tij mund ta bindë Romën të heqë dorë nga Shik.
